Աբովյանի քաղաքապետարանում խոստանում են՝ վաղվանից կսկսեն ախտահանման միջոցառումներ
Աջակցիր «Ա1+»-ինԱբովյանի քաղաքացիները սոցհարթակներում բողոքում են,որ քաղաքում չեն կատարվում ախտահանման աշխատանքներ:
« Քաղաքացիների դժգոհությունը բնական է, քանի որ նոր ենք միացել աշխատանքներին և այստեղ կա ընդգծելու մի կարևոր բան, որ ցանկացած հրահանգում ինքնակազմակերպելով չի , այսինքն մենք պետք է ստանանք պարետից հստակ ցուցումներ»,- «Ա1+»-ին ասաց Աբովյանի քաղաքապետարանի մամուլի խոսնակ Անի Կարապետյանը։
Քաղաքապետարանը արդեն ստացել է հստակ ցուցումներ և վաղվանից կսկսվեն աշխատանքները:
« Պարոն Ավինյանից արդեն հստակ ցուցումներ կան, արդեն ձեռք են բերվել քլոր և այլ ախտահանական միջոցներ, նաև համապատասխան տեխնիկա։ Վաղվանից քաղաքում կսկսվեն ախտահանական միջոցառումներ»,- տեղեկացրեց Անի Կարապետյանը:
Նա նաեւ մանրամասնեց՝ ինչ ախտահանական աշխատանքներ են կատարվելու: «Ախտահանվելու են շքամուտքերը, վերելակները, կանգառները և վարչական շենքերը»,- ասաց Անի Կարապետյանը:
