Իրավական համակարգի համար խնդրահարույց է մնում բերման ենթարկելու մեխանիզմը. ՄԻՊ (տեսանյութ)
Աջակցիր «Ա1+»-ինՄարդու իրավունքների պաշտպան Արման Թաթոյանը մասնակցում է ՀՀ-ԵՄ Համապարփակ եւ ընդլայնված գործընկերության համաձայնագիրը թեմայով խորհրդարանական լսումներին:
Թաթոյանը տեղեկացրեց` ԵՄ-ի հետ մշտապես համագործակցում են՝ ներկայացնելով մեր երկրում մարդու իրավունքների վիճակը.
«Մարդու իրավունքների ոլորտում Եվրոպական միության աջակցությունն ունի կարևոր նշանակություն և վերաբերում է այնպիսի հիմնարար ուղղությունների, որոնք դրական ազդեցություն ունեն երկրում խոշտանգումների կանխարգելման, կանանց, երեխաների, հաշմանդամություն ունեցող անձնանց իրավունքների և մի շարք այլ ոլորտների համար»:
Թաթոյանը տեղեկացրեց, որ ԵՄ-ի հետ աշխատանքի հիմնական ուղղություններից է խոշտանգումների կանխարգելումը, ինչի ուղղությամբ դրական արդյունքներ ունեն արձանագրված:
ՄԻՊ-ը Նշեց, որ ԵՄ-ի հետ սկսել են նոր ծրագիր, որը միտված է խոշտանգումների կանխարգելմանը:
Թաթոյանն անդրադարձավ ազատությունից զրկված անձանց իրավունքներին:
«Ազատությունից զրկման վարերում պետք է մշտապես ապահովված լինի ազատությունից զրկված անձանց իրավունքների երաշխավորումը»:
Թաթոյանը ընդգծեց նաև. «Մեր իրավական համակարգի համար շարունակում է խնդրահարուց մնալ և համակարգային առումով անարդյունավետ գործել բերման ենթարկելու մեխանիզմը, երբ մարդը ազատությունից զրկվում է փողոցից սկած մինչև բաժանմունք հասնելը, փորձը ցույց է տալիս , որ խախտումների հիմնական մասը հենց այստեղ է»:
