Սահմանվել է կոռուպցիոն հանցագործությունների ցանկը. Ռուստամ Բադասյան (տեսանյութ)

Ազգային ժողովում ընթանում են պետական-իրավական հարցերի մշտական հանձնաժողովի կողմից կազմակերպված  «ՀՀ դատական օրենսգիրք» սահմանադրական օրենքում փոփոխություններ և լրացումներ կատարելու մասին» և հարակից օրենքների նախագծերի փաթեթի քննարկում» թեմայով խորհրդարանական լսումները:

ՀՀ Արդարադատության նախարար Ռուստամ Բադասյանն իր ելույթի ժամանակ նշեց, որ դատաիրավական համակարգի բարեփոխումները որոշել են սկսել հենց դատական համակարգից, ոորվհետև դատական իշխանությունն կարեւոր դեր է կատարում արդարադատության կայացման գործում:

Նախարարը ներկայացրեց օրենքի հիմնական կարգավորումները:

Տեղեկացրեց, որ դատավորների թեկնածուների ընտրության նոր մեխանիզմ է սահմանվել, ԲԴԽ-ն հաշվի է առնելու Կոռուպցիայի կանխարգելման հանձնաժողովի կողմից տրված եզրակացությունը թեկնածուի բարեվարքության մասին,  ընդ որում Կոռուպցիայի կանխարգելման հանձնաժողովը հնարավորություն է ունենալու դիմել պետական տեղական ինքանակառավարման մարմիններին անձի անցյալ գործունեության հետ կապված տեղեկատվություն հավաքելու նպատակով:

Բադասյանի փոխանցմամբ՝  ստեղծվելու է Դատավորների գործունեության գնահատման հանձնաժողով, որը բաղկացած կլինի 5 անդամից: Այն կքննի դատավորների կողմից գործերի բաշխման, ողջամիտ ժամկետում քննարկման հարցերը, ինչպես նաև նիստի ընթացքում դատավորի վարքագծին առնչվող հարցերը:

Բադասյանը տեղեկացրեց նաև՝ դատավոր դառնալու համար թեկնածուները պետք է հոգեբանական թեստ անցնեն, ներդրվելու է էլեկտրոնային մեխանիզմ:

Դատավորի թեկնածուների տարիքը 28-ից իջեցվում է 25-ի,-տեեկացրեց Բադասյանը՝ հավելելով, որ սա նոր դաշտ է ստեղծում նոր սերնդի մուտքը դեպի դատական համակարգ ապահովելու համար:

Ինչ վերաբերում է Կոռուպցիայի կանխարգելման հանձնաժողովին, Բադասյանը նշեց, որ ԱԺ-ն արդարացված քայլի է գնացել՝ արագ ձևավորելով այդ հանձնաժողովը, բայց ըստ միջազգային գործընկերների՝ ապագայում դրա ձևավորման մրցութային կարգը կարիք կլինի վերականգնել:

Նախարարի փոխանցմամբ՝ այս նոր փաթեթով սահմանվել է կոռուպցիոն հանցագործությունների ցանկը: