Այն դառը դասերը՝ ինչպես է զավթվել կրթական համակարգը, այլևս պիտի տեղ չունենան Հայաստանում. Լ. Բարսեղյան (տեսանյութ)
Աջակցիր «Ա1+»-ինՇիրակի պետական համալսարանի հոգաբարձուների խորհդի նախագահ, Ժուռնալիստների «Ասպարեզ» ակումբի նախագահ Լևոն Բարսեղյանը վերհաստատեց ԿԳՄՍ նախարար Արայիկ Հարությունյանի պնդումները՝ իներցիայով առաջ շարժվելու վերաբերյալ.
«Մի միջավայր կա բուհական համակարգում, որը կարելի է կոչել հարմարվողականության, հարմարավետության միջավայր, բացառություններ կան, բայց ինչ-որ պահպանողական համախտանիշի պարբերաբար առերեսվում ենք, և հեղափոխական մոտեցումների անհրաժեշտություն կա»,-պնդում է Բարսեղյանն ու ներկայացնում իր առաջարկները:
Ասում է՝ համալսարանների հոգաբարձուների խորհրդում նախատեսվող մեկ ուսանողը քիչ է, պետք է ավելացնել:
Բարսեղյանն ասում է՝ այն դառը դասերը, թե ինչպես է զավթվել կրթական համակարգը, մասնավորապես՝ բուհական ուսումնական համակարգը , այլևս պիտի տեղ չունենան Հայաստանում:
Բարսեղյանն անդրադարձավ նաև գրագողության դեպքերին, նշեց, որ սա պետք է արմատախիլ անել օրենսդրությամբ:
«Պիտի որակազրկվեն բոլոր նրանք, ում աշխատություններում կան զարմանահրաշ կրկնություններ իրենցից վաղ գրված գիտաշխատությունների հետ»,- ասաց նա։