«Ցանկացած իշխանություն կկարողանա ցանկացած պահի Սահմանադրության մեջ կատարել փոփոխություն»
Աջակցիր «Ա1+»-ինԱպրիլի 5-ի սահմանադրական փոփոխությունը կարող է վատ նախադեպ դառնալ։
Ցանկացած քաղաքական իշխանություն կարող է յուրաքանչյուր պահի Սահմանադրության մեջ կատարել փոփոխություններ և ազատվել Սահմանադրական դատարանի իր համար անցանկալի դատավորներից,- ասում է «Ադեկվատ» միաբանության անդամ, իրավաբան Գարեգին Պետրոսյանը։
Նա վստահ է՝ հանրաքվեի նպատակը օրվա քաղաքական իշխանությանը հլու-հնազանդ ծառայող Սահմանադրական դատարան ունենալն Է․ «Սա հակապետական նպատակ է, և կարծում եմ՝ այս փոփոխությունները արվում են նախ և առաջ նրա համար, որ Արցախի հարցում հնարավոր են անցանկալի զարգացումներ և դրանց վերաբերող համապատասխան միջազգային պայմանագրեր։ Այսօրվա Սահմանադրական դատարանը այս կազմով, տվյալ պայմանագրերը Սահմանադրությանը համապատասխան չի ճանաչի։ Իսկ օրվա քաղաքական իշխանությանը պետք է, որ այս հարցերը Սահմանադրությանը համապատասխանող ճանաչվեն»։
Խոսելով «Այո»-ի և «Ոչ»-ի շտաբների մասին՝ նա ասաց, որ պետք է սպասել մինչև օրվա վերջ։ Չնայած խորհրդարանական ընդդիմությունը հրաժարվել է ստեղծել «Ոչ»-ի շտաբ, Գարեգին Պետրոսյանն ասում՝ նրանք հնարավորությունն ունեն մինչև օրվա վերջ փոփոխել իրենց որոշումը։
«Ոչ» -ի շտաբ կարող են ստեղծել նաեւ Սահմանադրության փոփոխությամբ մտահոգ իրավաբանները։