Ռուսաստանցի մարզիչը խոսել է Չինաստանում տարածված կորոնավիրուսի մասին
Աջակցիր «Ա1+»-ինՉինաստանի ժայռագնացության հավաքականի գլխավոր մարզիչ, ռուսաստանցի մասնագետ Եվգենի Վայցեխովսկին, պատմել է, թե ինչպես է կորոնավիրուսի տարածումն ազդել թիմի մարզումային գործընթացի վրա:
«Հավաքականի տղաները պատրաստվում են Պեկինի ուսումնամարզական բազայում: Թիմն ապրում է այստեղ: Միայն երկու հոգի են գնում քաղաք՝ մթերային ապրանքներ գնելու համար: Սկզբում այդպիսի կենսակարգ հաստատել էինք 10 օրվա համար, բայց հետո այն երկարաձգեցինք:
Լուրջ դժվարություններ չկան: Անձամբ ես թիմի համար լրացուցիչ սահմանափակումներ չեմ դնում: Մենք պարզապես դուրս չենք գալիս ուսումնական բազայից: Իհարկե, մի քիչ ձանձրալի է, բայց հույս ունենք, որ շուտով կարանտինն կավարտվի և հնարավոր կլինի, օրինակ, կինոթատրոն գնալ:
Ընդհանուր առմամբ մարզաբազան բավականին ընդարձակ է, կա նույնիսկ փոքրիկ անտառ: Բնակելի պայմանները հարմարավետ են `հյուրանոց, ճաշարան, երկու ուսումնական սենյակ: Իսկ երկու շաբաթից հետո արդեն դրսում ցուրտ չի լինի և կարող ենք մարզվել նաև փողոցներում՝ մագլցելով ժայռամագլցման պատեր:
Քանի որ ընտանիքս իմ հետ է, մի փոքր անհանգստացած եմ, որպեսզի ոչ մեկն որևէ հիվանդությամբ չվարակվի: Իրավիճակը Չինաստանում հսկողության տակ է: Մարդիկ օրական 2 անգամ ստուգում են ջերմաստիճանը, դիմակներ են կրում: Եթե ինչ-որ մեկը մրսացություն է ունենում, անմիջապես տեղափոխվում է հիվանդանոց՝ փորձաքննության: Նախազգուշական միջոցառումներ են իրականացնում, սենյակների հատակները հաճախ լվանում են, օդափոխություն են կատարում: Ես պարբերաբար հետևում եմ Չինաստանի առողջապահության նախարարության պաշտոնական հաղորդագրություններին: Կարծում եմ, իրավիճակը վերահսկելի է: Դատելով թվերի դինամիկայից, ամսվա կեսերին ամեն ինչ կնվազի», - մեջբերում է մասնագետի խոսքերը Ռուսաստանի Լեռնամագլցման ֆեդերացիայի պաշտոնական կայքը:
