Զինթոշակառու Մխիթար Ալումյանը շարունակում է իր հացադուլը Պաշտպանության նախարարության շենքի առջև։ Մխիթար Ալումյանը հացադուլ է հայտարարել դեկտեմբերի 10-ից։ Պատճառն այն է, որ ըստ Ալումյանի՝ նախարարությունից իրեն խոստացել են տրամադրել 19 միլիոն 400 հազար դրամ բնակարանի վերանորոգման համար, սակայն մինչև հիմա գումարը չի տրամադրվել։ Ալումյանն ասաց, որ տեսել է գումարի վերաբերյալ Պաշտպանության նախարարի գրությունը։ 

 

Այստեղ է նաև «Զինվոր» հասարակական կազմակերպության նախագահ Մարգարիտա Խաչատրյանը։ «Ա1+»-ի հեզ զրույցում Խաչատրյանն ասաց, որ հացադուլ է  հայտարարել, մինչև իրեն չտրամադրելն Մխիթար Ալումյանի բնակարանի վերանորոգման համար նախատեսված 19 միլիոն 400 հազար դրամի նախարարական գրությունը։

 

Խաչատրյանը նաև ասաց, որ մոտ 1 ժամ առաջ իրենց է հանդիպել Պաշտպանության փոխնախարար Գաբրիել Բալայանը և ասել, որ Ալումյանի համար փաստաթղթային ձևակերպում չի եղել ո՛չ սոցվարչությունում, ո՛չ նախարարության ֆինանսական վարչությունում։ 

 

Ալումյանը «Ա1+»-ի հետ զրույցում նշեց, որ եթե նախարարություն քայլեր չձեռնարկի, ապա արդեն կսկսի ջրադուլ անել։