ԱԺ-ն առաջին ընթերցմամբ ընդունեց հակածխախոտային օրենքի նախագիծը

 Ազգային ժողովն առաջին ընթերցմամբ ընդունեց «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքի նախագիծն ու կից ներկայացված օրենքների նախագծերի փաթեթը: Խորհրդարանում նախագիծն անցավ 83 կողմ, 15 դեմ, 0 ձեռնպահ ձայների հարաբերակցությմաբ։

Քվեարկության արդյունքներին գումարվեցին նաև գործուղման մեջ գտնվող 6 պատգամվորների կողմ ձայները։ Նշենք, որ նախագծով առաջարկվում է ծխախոտի օգտագործման արգելք սահմանել փակ տարածքներում։