Նայեք Ձեր երեկվա ձայնագրությունը, ամբողջությամբ ծայրից ծայր ատելության խոսք է, մուննաթ. Հակոբյանը՝ Սամսոնյանին (տեսանյութ)
Աջակցիր «Ա1+»-ին«Պարոն Մելքումյան և՛ ասում եք՝ ցուցում չտաք, և՛ մեծերի գործերին չխառնվեք, դա ի՞նչ է, եթե ոչ այլ ցուցում տալ: Ինքներդ Ձեզ հակասում եք: Այս դահլիճում չկան մեծեր և փոքրեր, ովքեր պետք է կամ չպետք է խառնվեն միմյանց գործերին»,- Ազգային ժողովի ամբիոնից ելույթ ունենալով ասաց «Իմ քայլը» խմբակցության պատգամավոր Հրաչյա Հակոբյանը՝ դիմելով «Բարգավաճ Հայաստան» խմբակցության պատգամավոր Միքայել Մելքումյանին:
Իշխող խմբակցության պատգամավորը անդրադարձավ նաև «Լուսավոր Հայաստան» խմբակցության պատգամավոր Անի Սամսոնյանի ելույթին, որում պատգամավորը խոսում էր ատելության խոսքի քարոզի մասին:
«Նայեք Ձեր երեկվա ձայնագրությունը, ամբողջությամբ ծայրից ծայր ատելության խոսք է, մուննաթ: Մի հետաքրքիր բան կա՝ ժողովրդի մեծամասնության համակրանքը վայելող ուժի հետ խոսում եք այդ տոնով, հետո գնում եք համակարգչի դիմաց նստում, բացում եք Ֆեյսբուքը և տեսնում, որ Ձեր հասցեին ոչ հաճելի արտահայտություննր են գրում, բայց գալիս եք այստեղ ու մեզ ասում եք, որ ատելության խոսք ենք քարոզում: Ընդհակառակը, որևէ պաշտոնյայի կողմից չեք լսի, որ նման գործելաոճը ողջունեն»,- եզրափակեց Հրաչյա Հակոբյանը:
