Բացել լրահոսը Փակել լրահոսը
A A
Սպորտ

Շախմատի Եվրոպայի առաջնություններ. Լիլիթ Մկչտչյանը համեստ արդյունքներ ցույց տվեց

Մոնակոյում կայացավ կանանց կայծակնային և արագ շախմատի 2019թ Եվրոպայի առաջնությունները:

Այդ մրցաշարերում Հայաստանը ներկայացրեց գրոսմայստեր Լիլիթ Մկրտչյանը: Կայծակնային շախմատի առաջնությունում մեր հավաքականի 2-րդ համարը 13 հնարավորից վաստակելով 9 միավոր և զբաղեցրեց 9-րդ տեղը:

Արագ շախմատի մրցաշարում, որը տևեց երկու օր, նա 11 հնարավորից վաստակեց 7 միավոր և  բաժանեց 12-22-րդ տեղերը, սակայն լրացուցիչ ցուցանիշներով ի վերջո զբաղեցրեց 19-րդ հորիզոնականը:

Եվրոպայի երկու առաջնություններում չեմպիոն հռչակվեց ռուսաստանցի գրոսմայստեր Ալեքսանդրա Կոստենյուկը, որը վաստակեց համապատասխանաբար 10 և 9 միավոր:

Հավելենք, որ մրցաշարերին մասնակցեցին աշխարհի նախկին չեմպիոններ, 78-ամյա Նոնա Գափրինդաշվիլին ու 58-ամյա Մայա Չիբուրդանիձեն: Վրաստանի լեգենդար շախմատիստուհիները արագ շախմատում զբաղեցրին 34-րդ և 26-րդ տեղերը:

Իսկ ահա տղամարդկանց շախմատի աշխարհի 13-րդ չեմպիոն Գարի Կասպարովը, քանի դեռ կանայք պայքարում էին միավորների համար, Մոնակոյում միաժամանակյա խաղաշարք է անցկացրել երեխաների հետ:


Russian