Բացել լրահոսը Փակել լրահոսը
A A
Տեսանյութեր Մշակույթ

Միայն հայկական ջազի երկրորդ համերգը կայացավ (տեսանյութ)

Արամ Խաչատրյան համերգասրահում կայացավ «ArmJazz Project-part 2» երեկոն, որը նախաձեռնել էր TM Production-ը:

Հայաստանի պետական ջազ նվագախումբը՝ հայկական ջազի վարպետներ Մարտին Վարդազարյանի, Լևոն Մալխասյանի, Վահագն Հայրապետյանի և թառահար Միքայել Ոսկանյանի մասնակցությամբ ներկայացրեց հայ կոմպոզիտորների ջազային գործերը:

Ջազ նվագախմբի գեղարվեստական ղեկավար և դիրիժոր Արմեն Հյուսնունցը նշեց, որ մի քանի տարի առաջ TM Production-ը  ձայնագրվեց «Հայկական ջազի անթոլոգիա»-ն՝ հայկական ջազի 75-ամյա հարուստ ավանդույթները 10 ձայնասկավառակներում, և այս համերգներն այդ նախագծի շրջանակներում կարելի է դիտարկել։

«Սա նախագծի երկրորդ համերգն է, որը ներկայացնում է հայկական կոմպոզիտորական ու կատարողական ջազային  ժառանգությունը, և հուսով եմ, որ այս երեկոները շարունակական բնույթ կունենան»։

Երեկոյի ընթացքում ելույթ ունեցավ նաև կոմպոզիտոր, դաշնակահար, ՀՀ ժողովրդական արտիստ Ստեփան Շաքարյանի որդին՝ դաշնակահար Հայկ Շաքարյանը:

«Հայրիկի գործերն, իհարկե կատարել եմ, սակայն նա միշտ ներկա է եղել իմ համերգներին։ Շատ հուզիչ է ինձ համար»,- ասաց դաշնակահարը։