Վարչապետ դառնալու համար Անի Զախարյանն արդեն 11 ստորագրություն ունի (տեսանյութ)
Աջակցիր «Ա1+»-ին«Հայաստանի նոր քաղաքական մշակույթ» կուսակցության նախագահ Անի Զախարյանը շարունակում է ստորագրահավաքը, բավարար թվով ստորագրություններ հավաքելուց հետո նա պատրաստվում է հայտ ներկայացնել՝ վարչապետի պաշտոնում նշանակվելու համար։
«Այսօրվա դրությամբ հավաքվել է 11 ստորագրություն՝ չհաշված մեր թիմակիցներին։ Հիմա դեռ իրազեկման փուլն է։ 11 ստորագրությունը սկզբի համար քիչ չի։ Նաև հայտարարեմ, որ նոյեմբերի 22-ին երթ ենք կազմակերպելու, որը լայնածավալ գործունեություն կհաղորդի շարժմանը, որից հետո մենք կայցելենք մարզեր։ Մենք վճռական ենք տրամադրված»,- կառավարության դիմաց լրագրողների հետ զրույցում նշեց նա։
Անի Զախարյանը պատրաստվում է դիմում ներկայացնել, պահանջելու է կառավարության և Նիկոլ Փաշինյանի աշխատակազմի բոլոր ծախսերը՝ մեկ տարվա կտրվածքով։
«Պահանջում եմ՝ Ֆինանսների նախարարության հետ համատեղ այդ ծախսերի ցուցակը դնեն իմ սեղանին, որպեսզի մենք կարողանանք հասկանանք՝ կառավարությունը իը ժողովրդի բյուջեն ինչպե՞ս է տնօրինել»,- ասաց նա։
Մանրամասները՝ տեսանյութում։
