Բաբլոյան. «Ինձ ճանաչողը չի կարող պատկերացնել, որ առանց դիմումը տեսնելու հայտարարություն կանեի» (տեսանյութ)
Աջակցիր «Ա1+»-ին«Բոլոր հարցերին հստակ պատասխանել եմ եւ կարծում եմ, որ ինչ որ արել եմ՝ օրենքի եւ սահմանադրության շրջանակներում եմ արել»,-ՀՀ հատուկ քննչական ծառայությունում այսօր հարցաքննվելուց հետո լրագրողների հետ զրույցում հայտարարեց ԱԺ նախկին նախագահ Արա Բաբլոյանը:
Նա նշեց, որ շատ բարի է տրամադրված զրույցի է եղել:
Պնդեց, որ Գագիկ Հարությունյանի դիմումը տեսել է, հետո միայն հայտարարություն արել. «Ինձ ճանաչողը չի կարող պատկերացնել, որ ես առանց դիմումը տեսնելու հայտարարություն կանեի: Իհարկե, տեսել եմ»:
Այլ մանրամասներ Արա Բաբլոյանը չի ասել:
Նրա շահերի ներկայացուցիչ, փաստաբան Արամ Վարդեւանյանն էլ լրագրողներին հիշեցրեց, որ նախաքննության փուլում են, հետեւաբար՝ նախաքննական գաղտնիքի խնդիր կա:
Արա Բաբլոյանը, ինչպես ՀՔԾ-ն է հայտարարել, կասկածյալի կարգավիճակում է: Հիշեցնենք, որ նույն քրեական գործով մեղադրյալ է նաեւ ԱԺ աշխատակազմի ղեկավարի նախկին տեղակալ Արսեն Բաբայանը:
Ըստ նախաքննական մարմնի՝ Արսեն Բաբայանը կեղծ հիմքեր է ստեղծել՝ Սահմանադրական դատարանի լիազորություններին տիրանալու նպատակով ԱԺ նախագահ Արա Բաբլոյանի՝ 2018 թվականի մարտի 2-ին ստորագրած ՍԴ նախագահ Գագիկ Հարությունյանի հրաժարականի դիմում ներկայացնելու մասին հայտարարությունը հրապարակելու համար:
Դա հիմք է հանդիսացել, որպեսզի Հարությունյանի լիազորությունները դադարեցվեն, որպեսզի հետագայում այդ պաշտոնում առաջադրվի Հրայր Թովմասյանը:
