Փրկարարները դուրս են բերել լողավազանն ընկած շներին

Հոկտեմբերի 21-ին, ժամը 18:44-ին «911» ծառայություն ահազանգ է ստացվել, որ Երևանի Վահրամ Փափազյան փողոցի 2-րդ նրբանցքի թիվ 139 տան մոտակայքում 2 շուն ընկել է լողավազանի մեջ. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը:

Փրկարարները լողավազանից դուրս են բերել շներին: