Փաշինյանի բաց խաղը, կամ նապաստակն անգամ արջին կարող է հաղթել աղվեսի ճանապարհով (տեսանյութ)
Աջակցիր «Ա1+»-ին- Ոչ մի բան դրված չէ բանակցությունների սեղանին, եթե խոսքը հիմնահարցի մասին է,-ասում է Մարդկային զարգացման միջազգային կենտրոնի նախագահ Թեւան Պողոսյանը:
Ըստ նրա՝ հանդիպումներ, իհարկե, լինում են, բայց դրանք անվտանգության հարցերի շուրջ են։
Թեւան Պողոսյանն ասում է՝ Նիկոլ Փաշինյանի թիմը նախընտրական իր ծրագրով հստակ ասել է՝ որն է ԼՂ հիմնախնդրի կարգավորման իրենց տարբերակը։ Եւ եթե հանրության մեծամասնությունը ձայն է տվել նրանց, հիմա պետք է պահանջատեր լինի, որ այդ իրականացվի։
Այսօրվա քաղաքական մեծամասնությունը խոստացել է, որ Արցախը պետք է վերադառնա բանակցային սեղան, որեւէ հարց չի բանակցվելու առանց մեր համաձայնության, զիջումներ չեն լինելու մեր շահին հակառակ։
Թեւան Պողոսյանը կարծում է, որ ամեն ինչ պետք է անել նպատակին հասնելու համար, եւ ամենակարեւորը՝ 2023թ.-ին, եթե անգամ մինչ այդ չհաջողվի լուծում գտնել, հաջորդ իշխանությանը փոխանցել այնպիսի իրավիճակ, որ ներկայինից վատը չլինի։
Նա հիշեցնում է հայտնի ասացվածքը, որ նապաստակն անգամ արջին կարող է հաղթել աղվեսի ճանապարհով։
«Ա1+»- ի հետ զրույցում նա նաեւ մեկնաբանում է Իլհամ Ալիեւի ելույթը Գարեգին Նժդեհի մասին, Նիկոլ Փաշինյանի պատասխանը եւ այլ հայտարարություններ:
Մանրամասները տեսանյութում
