Հայաստանը դատապարտում է Թուրքիայի զինված ուժերի ներխուժումը Սիրիա․ վարչապետ (տեսանյութ)
Աջակցիր «Ա1+»-ինՀՀ վարչապետ Նիկոլ Փաշինյանը կառավարության նիստի ժամանակ նշեց, որ Հայաստանը դատապարտում է Սիրիա Թուրքիայի զինված ուժերի ներխուժումը։ Նա նշեց, որ Կառավարությունը մտահոգված է այդ իրավիճակով, քանի որ դա «ավելի կխորացնի Սիրայում հաստատված մարդասիրական ճգնաժամը»։
«Մենք կոչ ենք անում միջազգային հանրությանը գործուն միջոցներ ձեռնարկել՝ այդ ապօրինի գործողությունը դադարեցնելու և Թուրքիայի սահմանի երկայնքով Սիրիայի քաղաքացիներին, այդ թվում՝ ազգային փոքրամասնություններին և նրանց իրավունքները պաշտպանելու ուղղությամբ։ Ես ուզում եմ ընդգծել՝ ինչպես տեղյակ եք Հայաստանը Սիրիայում՝ Հալեպում իրականացնում է մարդասիրական առաքելություն, և մենք այն կշարունակենք իրականացնել»։
Վարչապետն առաջարկեց կառավարության նիստի օրակարգի քննարկումից հետո դռնփակ ռեժիմով քննարկում իրականացնել և մտքեր փոխանակել Սիրիայում ստեղծված իրավիճակի հնարավոր զարգացումների և մեր դիրքորոշման վերաբերյալ։