Դատարանը թույլատրեց Սեյրան Օհանյանին մեկնել Հայաստանից (տեսանյութ)
Աջակցիր «Ա1+»-ին«Մարտի 1-ի» գործով դատական նիստի ավարտից հետո Սեյրան Օհանյանի պաշտպանը դատարանին միջնորդություն ներկայացրեց, որպեսզի դատարանը թույլատրի իր պաշտպանյալին15 օրով մեկնել Գերմանիա՝ բուժման նպատակով։
Սեյրան Օհանյանը Գերմանիայի բուժհաստատություններից մեկում պետք է լինի հոկտեմբերի 21-ին, ժամը 09։30-ին։
Պաշտպանական մյուս կողմերը ևս միացան այդ միջնորդությանը։ Մեղադրող դատախազը միջնորդությունը չառարկեց։
«Պայմանով, որ դատարանը պետք է ունենա երաշխիքներ, որ Սեյրան Օհանյանը վերադառնալու է նշված ժամանակում։ Այդպիսի երաշխիք մենք համարում ենք այս խափանման միջոցի կիրառումը, որը չի ենթադրում սահմանահատման արգելք, այդպիսին կարող է լինել անձնական երաշխավորություն խափանման միջոցը»,- ընդգծեց պաշտպանը։
Դատավորը Սեյրան Օհանյանից հետաքրքրվեց, թե ե՞րբ կվերադառնա, ի պատասխան նա ասաց՝ մեկ-երկու շաբաթվա ընթացքում, կախված է իր բուժման ընթացքից։
Դատարանը որոշեց թույլատրել Սեյրան Օհանյանին բացակայել երկրից։