Վերին Լարսի զննման պայմանները…

 

Հայկական դեղձով բեռնված «Սպայկա» ընկերության բեռնատարները, որոնց նկատմամբ նշանակված է մաքսային զննում արդեն երրորդ օրն է շարունակում են կանգնած մնալ Վերին  Լարսի անցակետում. կուտակումները  շարունակվում են:

Այդ մասին ասվում է «Սպայկա» ընկերության տարածած հաղորդագրության մեջ։

 

Ինչպես հայտնել  էինք ավելի վաղ՝ տարածքը, որտեղ բեռնատարները պետք է ենթարկվեն մաքսային զննման, ապահոված չէ գյուղմթերքի պահպանման համար անհրաժեշտ պայմաններով և առաջին հերթին՝ գյուղմթերքի բեռնաթափման, բեռնաբարձման և պահպանման աշխատանքների  համար սահմանված ջերմաստիճանային ռեժիմով:

 

Կից տեսանյութում պարզ երևում է՝  ինչ պայմաններում է կատարվում գյուղմթերքի զննումը Վերին  Լարսում և կից նկարներում ինչպես պետք է լինի գյուղմթերքի բեռնաթափումը, բեռնաբարձումը սառնարանային պայմաններում, որի արդյունքում չի խախտվում ջերմաստիճանային ռեժիմը:

 

Հ.Գ. Դեղձով բեռնված մեքենաները սկզբից անցել են ռենտգենային ստուգում, որի արդյունքները եղել են դրական: Նրանից հետո նշանակել զննում, որի հիմնավորումը չկա:  Ինչևիցէ ընկերությունը պատրաստ է կատարել մաքսային մարմնի պահանջը, եթե վերջիններս դեղձի մաքսային զննման ողջ գործընթացը /բեռնաթափումը, տեղափոխումը զննման վայր, բեռնաբարձումը/ իրականացնեն անհրաժեշտ ջերմային ռեժիմի պահպանմամբ»: