Արցախում տղամարդը դանակով վնասել է կնոջը, ձեռքով հարվածել երեխաներին
Աջակցիր «Ա1+»-ինՍ.թ.օգոստոսի 19-ին ժամը 05:20-ին անհայտ քաղաքացուց ահազանգ է ստացվել ԱՀ ոստիկանության Ստեփանակերտ քաղաքի վարչություն առ այն, որ մայրաքաղաքի Հեքիմյան փողոցի 3ա շենքի բնակարաններից մեկում վիճաբանություն է տեղի ունենում:
Այդ մասին հայտնում են Արցախի ոստիկանությունից։
Ոստիկանության ծառայողը պարզել է, որ նույն օրը ժամը 02:00-ի սահմաններում, բնակարանում վիճաբանություն է առաջացել նույն շենքի բնակիչներ, ամուսիններ՝ 1967թ. ծնված Ա. Հ-ի և 1969թ. ծնված Ն. Հ-ի միջև, որին միջամտել են վերջիներիս զավակները՝ 1999թ. ծնված Ա. Հ-ն և 2002թ. ծնված Ա. Հ-ն:
Վիճաբանության ժամանակ Ա. Հ-ն խոհանոցային դանակով տան անդամների հասցեին սպանության սպառնալիքներ է հնչեցրել, դանակով վնասել կնոջ՝ Ն. Հ-ի կրծքավանդակը, այնուհետև ձեռքով հարվածներ հասցրել երեխաներին:
Նշված անձանց տրվել են դատաբժշկի ուղեգրեր:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: