Անցումային արդարադատության անհրաժեշտություն չկա. Գևորգ Դանիելյան (տեսանյութ)
Աջակցիր «Ա1+»-ինԲարձրագույն դատական խորհրդի նախկին անդամ, արդարադատության նախկին նախարար Գևորգ Դանիելյանը համաձայն չէ ՍԴ դատավոր Վահե Գրիգորյանի այն տեսակետի հետ, որ Սահմանադրական դատարանում առկա է ճգնաժամ։
«Պետք է բերվեն փաստեր, թե ինչ գործընթացներ են տեղի ունենում, որը մենք կարող էինք որակել որպես Սահմանադրական ճգնաժամ»։
Ըստ նրա՝ բնական որևէ զարգացում դրան չի հասցրել։
Անդրադառնալով ՍԴ «անդամ» և «դատավոր» բառերի հետ կապված վիճարկումներին՝ Դանիելյանն ասաց, որ թե՛ Սահմանադրական դատարանի անդամներ լինեն, թե՛ դատավոր, իրականացնում են արդարադատություն, ինչն արդեն իսկ բավական է։
«ՍԴ անդամների մի մասը ստացել է դատավորի բարձրագույն դասի աստիճան։ Աստիճան, ինչը ժամանակին շնորհվել է Վճռաբեկ դատարանի անդամներին»,- նշեց իրավաբանը։
ԲԴԽ նախկին անդամը նույնպես այն կարծիքին է, որ վեթինգ իրականացնող մարմինը պետք է լինի Բարձրագույն դատական խորհուրդը, ինչպես նախկինում։ Իսկ թե ԲԴԽ անդամներին ո՞վ պետք է վեթինգի ենթարկի, նա ասաց, որ կրկին նույն կառույցը։
Ըստ Գևորգ Դանիելյանի՝ անցումային արդարադատության անհրաժեշտություն նույնպես չկա։
Մանրամասները՝ տեսանյութում
