ՏԻՄ ընտրություններն ավարտվեցին. սկսվել է ձայների հաշվարկը. Ուղիղ (տեսանյութ)
Աջակցիր «Ա1+»-ինՏեղական ինքնակառավարման մարմինների ընտրություններն ավարտվեցին: Ժամը 20.00-ին փակվեցին հանրապետության 23 համայնքներում գործող ընտրատեղամասերի դռները:
Հիշեցնենք, որ 23 համայնքներից 14-ում ընտրությունները հերթական են, իսկ 9-ում՝ արտահերթ: Նշված համայնքներից 12-ում ընթացել են համայնքի ղեկավարի, 8 համայնքում` ավագանու անդամի, իսկ 3-ում՝ միաժամանակ համայնքի ղեկավարի և ավագանու անդամի ընտրություններ:
Ժամը 17։00-ի դրությամբ ընտրությունների մասնակցության թիվը կազմել է 35,24 տոկոս կամ 25 հազ. 836 ընտրող:
Առավելագույն մասնակցությունը գրանցվել է Շենավան համայնքում, որտեղ ընտրություններին մասնակցել է 350 ընտրողների 60 տոկոսը, նվազագույնը՝ Հայկավան համայնքում, որտեղ ընտրություններին մասնակցել է 1 199 ընտրողների 10,83 տոկոսը։
Աբովյանում, որտեղ ընթանում են քաղաքապետի ընտրություններ, իր քվեն տվել է 44 հազ. 519 ընտրողների 31,36 տոկոսը։
Մեր ձեռքի տակ կա Աբովյան քաղաքի թիվ 29/03 ընտրատեղամասի տվյալները:
Ժամը 20:00-ի դրությամբ այստեղ 1842 ընտրության իրվունքն ունեցողներից քվեարկել է 812 ընտրող:
Ձայների հաշվարկի և արդյունքների մասին տեղեկանալու համար հետևեք Ա1+- ին: