Հայաստանում տեղի են ունենում արմատական վերաձևումներ. Նիկոլ Փաշինյան
Ռուսաստանի Դաշնության Սանկտ Պետերբուրգ քաղաքում շարունակվում է միջազգային տնտեսական համաժողովը:
Ելույթով հանդես եկավ Հայաստանի Հանրապետության վարչապետ Նիկոլ Փաշինյանը:
«Հայաստանում տեղի են ունենում արմատական վերաձևումներ, որոնց վերջնական նպատակն է մրցունակ և տեխնոլոգիապես զարգացած տնտեսության ստեղծումը և հավասարության, արդարության և օրենքի գերակայության համընդհանուր սկզբունքների վրա հիմնված ժամանակակից հանրությունը»,-ասաց նա։
Նիկոլ Փաշինյանը հիշեցրեց, որ Հայաստանը դեպի ծով ելք չունեցող, սահմանափակ տնտեսական և բնական ռեսուրսներով և լոգիստիկ միջանցքների և աշխարհաքաղաքական առանձնահատկությունների տեսանկյունից՝ աշխարհագրական բարդ դիրք ունեցող պետություն է:
«Եվ այս դժվարությունները դրդում են մեզ շարունակական գործողությունների՝ նպատակաուղղված բարձրացնելու մրցունակությանը և արդյունավետությանը»,- ընգծեց նա՝ հավելելով, որ դա կարևոր է պետական կառավարման համար:
«Հայաստանի համար շատ կարևոր է դեպի համաշխարհային տնտեսության կենտրոն և ակտիվություն մուտքի ինստիտուցիոնալիզացումը: Դա առաջին հերթին վերաբերում է մեր համագործակցությանը ՌԴ-ի հետ և ԵԱՏՄ անդամակցությանը»,- ընդգծեց Փաշինյանը:
Նա նշեց, որ հայկական կողմը պատրաստակամ է համագործակցել ու մաքսիմալ կերպով խորացնել ինտեգրացիան միության անդամների միջև:
