Պահանջում են ՍԴ դատավորների հրաժարականը (տեսանյութ)
Աջակցիր «Ա1+»-ինՍահմանադրական դատարանի դիմաց բողոքի հերթական ակցիան է՝ ՍԴ անդամների հրաժարականի պահանջով։
«Մենք պայքարում ենք ամբողջ համակարգի դեմ, քանի որ բոլոր դատավորները նշանակվել են նախորդ ռեժիմի կողմից: Ակցիան ոչ թե անձնավորված է Հրայր Թովմասյանի դեմ, այլ մենք պահանջում ենք ամբողջ սահմանադրական դատարանի անձնակազմի հրաժարականը՝ Ալվինա Գյուլումյան, Ֆելիքս Թոխյան, Արման Դիլանյան, Արայիկ Թունյան, Աշոտ Խաչատրյան, Արևիկ Պետրոսյան, Հրանտ Նազարյան». նշում է Արթուր Մովսիսյանը:
Ակցիայի մասնակից Հարություն Ֆարիշյանի խոսքով՝ Սահմանադրական դատարանի որոշումները չեն բխում ժողովրդի պահանջներից, քանի որ դատավորները նշանակված են նախորդ ռեժիմի կողմից, իրենք չեն կարող ճիշտ որոշում կայացնել:
«Ալվինա Գյուլումյանը ոչ լեգիտիմ դատավոր է, հանցագործ դատավոր է: Մենք իրեն ուղեկցում էինք և ինքը հայտարարություն արեց, որ «պապայիդ ձեռքն էլ բռնած գաս հրաժարական չեմ տալու»: Տվյալ անձնավորությունը բարոյականությունը կորցրել է, անձ է վիրավորում, ես իր անձը չեմ վիրավորել, ես պահանջում եմ իրենց հրաժարականը»,-ասաց նա։
