Անդրանիկ Քոչարյանի պատասխանը «Սասնա ծռերին» (տեսանյութ)
Ապրիլյան պատերազմի դեպքերն ուսումնասիրող հանձնաժողովի նախագահ Անդրանիկ Քոչարյանը պատասխանում է «Սասնա ծռեր» համահայկական կուսակցության հայտարարությանը, որով հանձնաժողովից պահանջում է Ժիրայր Սեֆիլյանին ներգրավել հանձնաժողովի աշխատանքում:
«Իրավական առումով Ժիրայր Սեֆիլյանին հանձնաժողովի աշխատանքում ներգրավելը անհնարին է, որովհետև Ազգային ժողովի քննիչ հանձնաժողովը, որը ստեղծվել է 47 պատգամավորի ստորագրությամբ, վերաբերում է պաշտպանության և անվտանգությանը, իսկ օրենքը պարտադրում է, որ հանձնաժողովը լինի միայն պաշտպանության և անվտանգության հանձնաժողովի անդամներից կազմված և մենք այդ պահանջը չենք կարող խախտել»,- «Ա1+»-ի հետ զրույցում ասաց Անդրանիկ Քոչարյանը:
Պաշտպանության և անվտանգության հարցերի մշտական հանձնաժողովի նախագահի խոսքով, եթե «Սասնա ծռեր»-ը ցանկանում է մասնակցություն ունենալ ապրիլյան դեպքերի բացահայտման վերաբերյալ, ապա կարող են տեղեկատվությունը փոխանցել հանձնաժողովին: Այս պարագայում պարտադիր չէ ներգրավված լինել հանձնաժողովում:
Մանրամասները տեսանյութում: