Հայ Հեղափոխական Դաշնակցությունը վերաիմիջավորման կարիք ունի. քաղաքագետ
Աջակցիր «Ա1+»-ինՀայ Հեղափոխական Դաշնակցությունը վերաիմիջավորման կարիք ունի: Քաղաքագետ Արմեն Բադակյանն այդ գործընթացը տեսնում է: Երեկ Ազատության հրապարակում ՀՅԴ-ականների ակցիան այդ գործընթացի մի մասն էր:
«ՀՅԴ –ն շատ երկար ժամանակ դիտարկվել է Հանրապետական կուսակցության կցորդ եւ հիմա ինքը կարիք ունի ռեբրենդինգի, քանի որ իրավիճակը փոխվել է»,-ասաց քաղաքագետը:
Անդրադառնալով վարչապետ Նիկոլ Փաշինյանի՝ դատաիրավական համակարգի բարեփոխումների մասին հայտարարությանը, քաղաքագետն ասաց, որ այդ բարեփոխումները միայն դատավորների փոփոխություն չպետք է լինի. «Հիմա կոնկրետ դատաիրավական համակարգի բարեփոխում ասելով նախ պետք է իշխող քաղաքական ուժը հասկանա, թե ինչ է այդ դատաիրավական համակարգի բարեփոխումը»:
Քաղաքագետ Վիգեն Հակոբյանն այսօր իշխանության գլխավոր թերությունը համարում է ոչ համակարգային մոտեցումը: «Կա ֆլեշմոբային մտածելակերպ: Երեւի թե դա պայմանավորված է նրանով, որ շատ շատերը, որոնք իշխանություն են կազմում, հիմնականում գործելակերպը էդպիսին է՝ ֆլեշմոբային, կա խնդիր եւ պետք է այս պահին դա լուծել: Այս մտածելակերպն է, այս մոտեցումը կա բոլոր ոլորտներում»,-ասաց քաղաքագետը:
