Ոստիկանությունում չարաշահումներ չեն կարող լինել
Աջակցիր «Ա1+»-ինՈստիկանապետ Վալերի Օսիպյանը մայիսի 20-ին դատարանների շրջափակումը համարում է ինքնաբուխ ակցիա:
Չնակած որ օրենքով սահմանվում է՝ ակցիաները պետք է անցկացվեն դատարաններից որոշակի հեռավորության վրա, ոստիկանապետի պնդմամբ դրանք տեղավորվում են հավաքների ազատության մասին օրենքի ընդանուր դրույթներում:
Ոստիականապետի խոսքով՝ իրենք, բախումներից խուսափելու համար, ընտրել են քաղաքացիների հետ բացատրական աշխատանքներ տանելու մարտավարությունը, և ոչնչով կաշկանդված չեն եղել:
Հիշեցնենք, որ քաղաքացիները վարչապետի հորդորով պետք է շրջափակեին ՀՀ բոլոր դատարանները:
Իսկ խոսելով պետական վերահսկողական ծառայության՝ ոստիկանությունում անցկացրած ստուգումների մասին, ոստիկանապետը նշեց, որ իրենք աշխատում են պարզ ու թափանցիկ և ոստիկանությունում չարաշահումներ չեն կարող լինել: Ի հավաստում իր խոսքի, Օսիպյանը ասում է, որ 2018 թվականի իր պաշտոնավարման ամիսներին տնտեսվել է մոտ 500 միլիոն դրամ, իսկ մինչև այս տարվա հունիսի վերջ տնտեսված գումարի չափը կհասնի 1 միլիարդ դրամի:
