ԱԱԾ քննություն է իրականացնում
Աջակցիր «Ա1+»-ինԱԱԾ քննություն է իրականացնում Բագրատաշենի մաքսատանը ստեղծված իրավիճակի կապակցությամբ:
Այս մասին «Ա1+»-ի հետ զրույցում ասաց ԱԱԾ մամուլի խոսնակ Սամսոն Գալստյանը:
Լրացուցիչ տեղեկություններ ԱԱԾ կտրամադրի ավելի ուշ:
Արդեն երեք օր է, Բագրատաշեն մաքսատանը անսովոր իրավիճակ է:
Nara tour օգտատիրոջ տարածած տեսանյությում երեւում է, թե մաքսատան անգարում առեւտրականներին ինչպես են հսկում սահմանապահ զորքերի աշխատակիցները:
Տեսանյութում ասվում է, որ առեւտրականները իրենց ապրանքները մաքսազերծել են, սակայն չեն կարողանում դուրս հանել մաքսատնից:
Առեւտրականների խոսքով՝ անհայտ պատճառներով իրենց ապրանքները խառնվել են, մաքսատնից էլ տեղեկացնում են, որ իրենց ապրանքները պետք է բռնագանձեն:
Մարդու իրավուքների պաշտպանի գրասենյակը նույնպես արձագանքել է ՀՀ պետական սահմանի «Բագրատաշեն» անցման կետում ստեղծված իրավիճակի կապակցությամբ:
Մաքսատանը քաղաքացիների ունեցած դժվարությունների հանգամանքները պարզելու նպատակով Մարդուիրավունքների պաշտպանի աշխատակազմում նախաձեռնվել է վարույթ:
Մարդու իրավունքների պաշտպան Արման Թաթոյանի հանձնարարությամբ՝ իրավասու մարմինների հետիրականացվում են աշխատանքներ քաղաքացիների իրավունքները երաշխավորելու նպատակով:
