Դատական համակարգը պետք է վերափոխվի օրենսդրական փոփոխություններով. սահմանադրագետ
Աջակցիր «Ա1+»-ինԴատական համակարգի խնդիրները կապված են միմյանց. ասաց ԵՊՀ «Սահմանադրական իրավունքի» ամբիոնի վարիչ Վարդան Այվազյանը՝ անդրադառնալով սահմանադրական կարգը տապալելու մեջ մեղադրվողների գործերի վարույթի կասեցմանը և Նիկոլ Փաշինյանի կոչով ՀՀ դատարանների մուտքերը շրջափակելու կոչին։
Նախ, սահմանադրագետն անդրադարձավ պատճառահետևանքային կապին՝ նշելով, որ առկա Սահմանադրությունն իրենից ենթադրում է զուտ տեխնիկական փաստաթուղթ։
Վարդան Այվազյանը ամբոխավարության միտում է տեսնում կառավարման ոլորտում, քանի որ օգտագործվում է հանրության զայրույթը քաղաքական նպատակներով։
Դատական համակարգի բարեփոխման լեգիտիմությունն ըստ նրա, պետք է կատարվի միայն օրենսդրական փոփոխություններով և ոչ թե դատարաններ շրջափակելով։
Սահմանադրագետի խոսքով, Փաշինյանն իր կոչով ոտնահարել է Սահմանադրությունը, սակայն դա չի կարելի որակել սահմանադրական կարգի տապալում, քանի որ դատարանները շրջափակելու ակցիան տևել է ընդամենը մի քանի ժամ։
Ըստ Այվազյանի՝ Փաշինյանը բարի կամք ունի վերափոխել դատարանները, սակայն սխալ գործիքակազմ է ընտրված, իսկ երեկվա ակցիան և հայտարարությունները ճնշում էին դատարանների վրա։
Անդրադառնալով Ռ. Քոչարյանի, Արմեն Գևորգյանի, Ս. Օհանյանի, Յու. Խաչատուրովի գործերով վարույթների կասեցմանը՝ նախ ընդգծեց, որ 300.1 հոդվածը լղոզված է ներկայացված քրեական օրենսգրքում և որոշակի պարզաբանումների կարիք կա, իսկ եթե հոդվածը ՍԴ-ի կողմից հակասահմանադրական ճանաչվի, ապա մեղադրանքը կհանվի։
