Դեռ անհրաժեշտ է ֆինանսավորում բացառիկ միջոցառման համար. դեսպան
Աջակցիր «Ա1+»-ինՍեպտեմբերի 20֊ին Եվրոպայի լավագույն երգչախումբերից մեկը՝ Լատվիայի ռադիոյի երգչախումբը՝ Սիգվարդս Կլյավայի գլխավորությամբ կկատարի Կոմիտասի Պատարագն ամբողջությամբ։
Ըստ Լիտավայում, Լատվիայում եւ Էստոնիայում ՀՀ դեսպան Տիգրան Մկրտչյանի՝ սա բացառիկ միջոցառում է լինելու, քանի որ Պատարագը, որը նախատեսված է արական երգչախմբի համար, մեր նախաձեռնությամբ նշանավոր երաժիշտ, կոմպոզիտոր Վաչե Շարաֆյանը, փոխադրել է խառը երգչախմբի համար։
«Սա կլինի համաշխարհային պրեմիերա։ Խառը, արտասահմանյան երգչախումբը կկատարի Կոմիտասի Պատարագն ամբողջությամբ։ Հայաստանի օպերային թատրոնի մեներգիչներ Hovhannes Nersessian ը և Armen Badalyan ը կլինեն մենակատարները։ Ռիգայի Սուրբ Հովհաննես եկեղեցում կատարումից հետո այն կձայնագրվի նաև մեծ հեղինակություն ունեցող ընկերություններից մեկի կողմից աուդիո սկավառակով։ Այս կերպ մենք կնպաստենք հայ հոգևոր երաժշտության, հայոց մշակույթի տարածմանը, և արժայնվունս կպատվենք մեծն Կոմիտասին»,- հայտնում է նա։
Նախաձեռնությունը պատկանում է Լատվիայում ՀՀ դեսպանությանը՝ Ռիգայի հայ առաքելական եկեղեցու բարձր հովանու ներքո։
«Իհարկե, դեռ անհրաժեշտ է հայթայթել ֆինանսավորումը։ Սակայն կանգ չենք առնելու և պատվով իրականացնելու ենք այս գործը»,- ասում է դեսպանը։