Արտակարգ իրավիճակում վիրավորված օդաչուն փոխհատուցում է պահանջում (տեսանյութ)
Աջակցիր «Ա1+»-ինՀաշմանդամություն ունեցող օդաչուները շարունակում են պահանջել կառավարությունից վերականգնել ժամանակին իրենց նշանակված թոշակները։
Օդաչու-հրահանգիչ Միխայիլ Անդրեասյանը նշում է, որ 1992 թվականին նշանակվել է փոխհատուցում, որը ստացել է մինչև 2004 թվականի օգօոստոսի 1-ը:
«Բոլորի համար մայիսի 9-ը եռատոն է, բայց ինձ համար քառատոն է, քանի որ երրորդ ծնունդս է: Առաջին անգամ վիրավորվել եմ 1992 թվականի մարտի 27, իսկ երկրորդ անգամ Սիսիանում՝ մայիսի 9-ին, ինքնաթիռով վիրիավորներ տեղափոխելու ճանապարհին: Ինքնաթիռը կիսավառ վիճակում բոլորին տեղափոխել եմ, և բոլորը փրկվել են»,-ասում է նա։
Միխայիլ Անդեասյանը արդեն մոռացել է քանի անգամ է դիմել կառավարությանը այս տարիների ընթացքում. «էնքան ենք դիմել, որ արդեն հոգնել ենք»:
Ջեմմա Հովհաննսյանի որդին զոհվել է 2001թվականին Իրանում։ Անձնակազմը բաղկացած է եղել 5 հոգուց: Ընտանիքը նպաստ է ստացել մինչև 2008 թվականը: Նա նույնպես դիմել է տարբեր մարմինների. սակայն ոչ մի պատասխան չի ստացել։