Միամտություն կլինի կարծել, թե գործարարը կհրաժարվի իր մենաշնորհից. տնտեսագետ (տեսանյութ)
Աջակցիր «Ա1+»-ինՀայաստանում մենաշնորհ միշտ էլ եղել է,- հիշեցնում է «Թրանսփարենսի ինթերնեշնլ» հակակոռուպցիոն կենտրոնի ծրագրերի համակարգող Վարուժան Հոկտանյանը։
Նախորդ իշխանությունների հայտարարությունները, թե ՀՀ-ում մենաշնորհներ չկան, ըստ նրա, կրել են իմիտացիոն բնույթ, իսկ ներկայումս չկան մենաշնորհներ, սակայն կան գերակա դիրք զբաղեցնողներ։
Միամտություն կլինի կարծել, թե գործարարը կհրաժարվի իր մենաշնորհից,-ասում է տնտեսագետ Ատոմ Մարգարյանը՝ համարելով այդ բնորոշ բիզնեսին։ Նա նաեւ հիշում է՝ նախկին վարչապետ Հովիկ Աբրահամյանը մենաշնորհների, տնտեսական մրցակցության վերաբերյալ հանձնարարականներ է տվել էկոնոմիկայի նախարարությանը, այն դեպքում, երբ այդ հանձնարարականը պետք է տրվեր տնտեսական մրցակցության պաշտպանության պետական հանձնաժողովին, իսկ վերջինն էլ ուղղակի վեր է ածված եղել վիճագրություն ներկայացնողի։
Ըստ տնտեսագետ Վահագն Խաչատրյանի՝ Ֆինանսական առումով նոր տնտեսվարողների համար դեռևս շուկա մտնելու դժվարություններ կան։ Նա հատկապես առաջարկում է ուշադրություն դարձնել բենզինի ներկրմանը, քանի որ Վրաստան բենզին ներմուծողը չի կարողանում Հայաստան բենզին ներմուծել ։«Պետք է օրենսդրական կարգավորումներ մտցել», - շեշտեց նա։