«Չե՞ք ամաչում Դուք, պարոն վարչապետ: Կարող ա ինձ եք մոռացել». Էդմոն Մարուքյան (տեսանյութ)
Աջակցիր «Ա1+»-ինԱյսօր ֆեյսբուքյան ուղիղ եթեր ժամանակ ԱԺ «Լուսավոր Հայաստան» խմբակցության ղեկավար Էդմոն Մարուքյանը անդրադարձավ այսօր Կառավարության նիստի ժամանակ ՀՀ վարչապետ Նիկոլ Փաշինյանի խոսքին՝ իրենց առաջարկած նախագծի վերաբերյալ:
«Հասնում են տուն, նայում եմ գրառումները ու ի՞նչ. surprise: Պարզվում է, որ բոլոր հեռուստաընկերությունները վարչապետի խոսքը եթեր են տվել կառավարության նիստից, որի համաձայն պարզվում ա, որ «Լուսավոր Հայաստան» կուսակցությունը մի ահաբեկչական կուսակցություն է: »,-ասաց Մարուքյանը:
Նրա խոսքով՝ Փաշինյանի խոսքը ազդեցիկ է հանրության համար և զանգվածային լրատվության միջոցներով այն հրապարակելը մարդկանց շրջանում թյուրըմբռնումների տեղիք կտա:
«Չե՞ք ամաչում Դուք: Պատկերացնում եք՝ ինչ ա կատարվում երկրում: Նիկոլ ջան, գնացել ես էդտեղ տեղեկություններ տարածես, որ իրականությանը չե՞ն համապատասխանում: Ուրիշ բան ու գործ չունե՞ք Դուք, չե՞ք ուզում նախագիծը՝ մերժեք այն: Սուտ տեղեկություններ ինչի՞ եք տարածում: Էս ի՞նչ ա կատարվում ստեղ. Դուք անճանաչելի եք դարձել, պարոն վարչապետ:
«Լուսավոր Հայաստան» խմբակցության ղեկավարը պահանջում է, որ հեռուսատեթերում՝ մասնավորապես Հանրայինի եթերում տրվի հերքում այդ տեղեկատվության վերաբերյալ: Նա առաջարկում է, որ Հանրայինով ցուցադրեն իր ֆեյսբուքյան տեսաուղերձը:
