A
A
Հայաստանի վետերանների թիմը 2-րդն է աշխարհի առաջնությունում
Աջակցիր «Ա1+»-ինՀունաստանում ընթացող շախմատի աշխարհի վետերանների թիմային առաջնությունում կայացան 6-րդ տուրի հանդիպումները:
Հայաստանի վետերանների հավաքականը ոչ-ոքի խաղաց Անգլիայի 1-ին թիմի հետ: Մեր շախմատիստներից Արշակ Պետրոսյանը հաղթանակ տարավ, Ռաֆայել Վահանյանն ու Արտաշես Մինասյանը ոչ-ոքի խաղացին, իսկ Կարեն Մովսիսյանը պարտություն կրեց:
Կայացած վեց տուրերից հետո մրցաշարային աղյուսակը 11 միավորով գլխավորում է ԱՄՆ հավաքականը: Հայաստանի ընտրանին 9 միավորով գտնվում է 2-րդ հորիզոնականում:
Այսօր կայանալիք 7-րդ տուրում մեր թիմը կհանդիպի Իսլանդիայի 1-ին հավաքականի հետ, որը 8 միավորով զբաղեցնում է 6-րդ տեղը: