«Այաքսը» հաղթեց Իտալիայում եւ մտավ հաջորդ փուլ

Չեմպիոնների լիգայի քառորդ եզրափակիչ պատասխան խաղում «Այաքսը» հյուրընկալվելիս կամային հաղթանակ տարավ «Յուվենթուսի» նկատմամբ՝ 2:1։

Խաղի 28-րդ րոպեին Ռոնալդուն առաջ մղեց տանտերերին, սակայն վեց րոպե անց Վան դե Բեկը վերականգնեց հավասարությունը: Հանդիպման ելքը վճռեց 67-րդ րոպեին հոլանդացի դե Լիգտի խփած գնդակը:

Այդպիսով, «Այաքսը» երկրորդ անգամ անընդմեջ հաղթանակ տարավ մրցակցի հարկի տակ (մեկ ամիս առաջ 4:1 հաշվով հաղթել էր Մադրիդում, «Ռեալին») եւ կշարունակի պատվավոր մրցանակի համար պայքարը։