A
A
Ծանրորդուհի Իզաբելլա Յալյանը 5-րդ տեղը գրավեց Եվրոպայի առաջնությունում
Բաթումում մեկնարկած ծանրամարտի Եվրոպայի առաջնությունում այսօր մրցահարթակ մտավ Հայաստանի առաջին ներկայացուցիչը՝ 59 կգ քաշային Իզաբելլա Յայլյանը։ Մեր մարզուհին հաջող սկսեց մրցելույթները եւ պոկում վարժությունում 96 կգ արդյունքով գրավեց 2-րդ տեղը եւ փոքր արծաթե մեդալ նվաճեց: Ավաղ, հրում վարժությունում Իզաբելլա Յայլյանը գրավեց 6-րդ տեղը՝ բարձրացնելով 111 կգ ծանրաձողը: Երկամարտի 207 կգ արդյունքով մեր մարզուհին մրցաշարն ավարտեց 5-րդ հորիզոնականում: Եվրոպայի չեմպիոն հռչակվեց Լատվիան ներկայացնող Ռեբեկա Կոհան, որը ցույց տվեց 221 կգ (101+120) արդյունք: Մրցանակային 2-3-րդ տեղերը զբաղեցրին ռուսաստանցիներ Տատյանա Ալեեւան եւ Ալեքսանդրա Կոզլովան:
