ԳՈՀԱՐ-ի հերթական հաղթանակը
Աջակցիր «Ա1+»-ինԴամասկոսի օպերայի թատրոնում ԳՈՀԱՐ երաժշտախմբի կատարումները հաջողությամբ են պսակվել:
Տոմսերը նախապես վաճառվել են, իսկ երաժշտախմբին հանդիսատեսները դիմավորել են բուռն ծափահարություններով: Միջոցառմանը ներկա է եղել նաև Սիրիայի փոխնախագահը:
ԳՈՀԱՐ-ը հանդիսատեսներին խանդավառել է նաե Հալեպի Ցիտադելում` պատմական բերդի ամֆիթատրոնում կայացած երեք համերգներով, որոնք տեղի են ունեցել հուլիսի 15-ին, 16-ին և 17-ին: Խմբի երկրպագուները հմայված էին հնագույն քաղաքի ավերակներից և հնչող հայկական երաժշտությամբ:
Այս համերգներով ԳՈՀԱՐ-ը նաև իր շնորհակալությունն է հայտնել Սիրիային, որ ապաստան է տվել նախորդ դարասկզբին Կիլիկիայից գաղթած հայերին, ովքեր նաև իրենց երկրորդ հայրենիքում են կենդանի պահել հայկական երգը, այբուբենն ու դրոշը:
Հիշեցնենք, որ ԳՈՀԱՐ-ը հիմնադրվել է լիբանանահայ Գոհար Խաչատուրյանի բարեգործությամբ:
