Բացել լրահոսը Փակել լրահոսը
A A

«Եվրատեսիլի» մեկնարկին՝ 1 օր

Մշակույթ

Վաղը երեկոյան կմեկնարկի  «Եվրատեսիլ 2009»-ի առաջին կիսաեզրափակիչ փուլը: Հայաստանը ներկայացնող Ինգա եւ Անուշ Արշակյանները իրենց «Ջան, Ջան» երգով  հանդես կգան 6-րդը' Շվեդիայի ներկայացուցչից հետո: ՀՀ-ի հետ նույն ենթախմբում ընդգրկված է Թուրքիան, որը հանդես կգա 9-րդ հորիզոնականում: Արշակյան քույրերը, լավագույն տասնյակում հայտնվելու դեպքում, կմասնակցեն եզրափակիչին:

Հիշեցնենք, որ երգի երաժշտության հեղինակը Մանե Հակոբյանն է, իսկ խոսքերինը՝ Վարդան Զադոյանը:

Ընդհանուր առմամբ' կիսաեզրափակիչ փուլին մասնակցելու են 37 երկրներ, որոնք բաժանված են 2 ենթախմբերի: Յուրաքանչյուր ենթախմբից 10 մասնակից ձեռք կբերի մայիսի 16-ին կայանալիք եզրափակիչում հանդես գալու իրավունք::

Եզրափակիչում էլ ընտրված  20 երկրներին միանալու են Ռուսաստանը, Իսպանիան, Գերմանիան, Ֆրանսիան եւ Մեծ Բրիտանիան: Կիսաեզրափակիչի հաղորդավարներն են  լինելու Անդրեյ Մալախովը եւ թոփ մոդել Նատալյա Վոդյանովան:

Իսկ մայիսի 16-ին «Եվրատեսիլ 2009» եզրափակիչ մրցութային համերգի հաղորդավարներն են լինելու Իվան Ուրգանտը եւ երգչուհի Ալսուն:

Ի դեպ, նախորդ  շաբաթվա ընթացքում Մոսկվայի օդանավակայանները ընդունել են ավելի քան  626 հյուր եւ մասնակից։