A
A
Նախագահականում տեղի ունեցավ Վրաստանի նախագահի դիմավորման պաշտոնական արարողությունը (տեսանյութ)
Հայաստանի Հանրապետության նախագահի նստավայրում տեղի ունեցավ պաշտոնական այցով Հայաստան ժամանած Վրաստանի նախագահ Սալոմե Զուրաբիշվիլիի դիմավորման պաշտոնական արարողությունը:
Նախագահական նստավայրում Սալոմե Զուրաբիշվիլիին դիմավորեց ՀՀ նախագահ Արմեն Սարգսյանը:
Դիմավորման պաշտոնական արարողության ընթացքում հնչեցին Հայաստանի և Վրաստանի օրհներգերը: Այնուհետև երկու երկրների նախագահները ողջունեցին Հայաստանի և Վրաստանի պատվիրակությունների անդամներին, ինչին հաջորդեց ՀՀ ՊՆ պատվո պահակախմբի և նվագախմբի հանդիսավոր քայլերթը:
ՀՀ նախագահ Արմեն Սարգսյանն ու Վրաստանի նախագահ Սալոմե Զուրաբիշվիլին առանձնազրույց ունեցան, որից հետո հանդիպումը շարունակվեց ընդլայնված կազմով: Հանդիպումից հետո երկու երկրների նախագահները հանդես են գալու հայտարարությամբ:
