Մհեր Ենոքյանը բողոքարկում է քննիչի մերժման որոշումը (տեսանյութ)
Ցմահ դատապարտյալ Մհեր Ենոքյանի և նրա կնոջ Զարուհի Մեջլումյանի՝ ոստիկանություն ներկայացված հաղորդման հիման վրա քրեական գործ հարուցելը մերժելու որոշման բողոքարկումը Երևանի ընդհանուր իրավասության դատարանի Շենգավիթի նստավայրում հետաձգվեց։ Զարուհի Մեջլումյանը, հաղորդում է ներկայացրել ոստիկանություն քրեական օրենսգրքի 119-րդ հոդվածի 2-րդ մասի (ֆիզիկական ուժեղ ցավ կամ հոգեկան ուժեղ տառապանք պատճառելը անձի կամ նրա մերձավորի նկատմամբ՝ կապված այդ անձի կողմից իր ծառայողական գործունեության կամ հասարակական պարտքի կատարման հետ), 143-րդ հոդվածի (Մարդու և քաղաքացու իրավունքներն ու ազատություններն ուղղակի կամ անուղղակի խախտելը), 144 հոդվածի (Անձնական կամ ընտանեկան կյանքի մասին տեղեկություններ ապօրինի հավաքելը, պահելը, օգտագործելը կամ տարածել) մասով: «Հետաքննիչը մոտ 8 օր նյութեր է նախապատրաստել, դրանք բաղկացած էին 167 էջից: Պնդում եմ, որ ընդամենը 2 օր է փոխանցվել քննչական մարմին, և քննիչը ուղղակի ֆիզիկապես հնարավորություն չի ունեցել այդ նյութերին ծանոթանալու։ Իսկ Մհեր Ենոքյանի բողոքը` հաղորդում հանցագործության մասին վերտառությամբ, թերևս 24 ժամ է եղել քննչական մարմնում և ուղղակի մեկ տողով գրված է, որ ուսումնասիրվեցին նաև Մհեր Ենոքյանի դիմումում առկա նյութերը։ Բայց այդ նյութերը բավարար չափով չեն ուսումնասիրվել և չեն արտացոլված մերժման որոշման մեջ»,-ասում է Զարուհի Մեջլումյանը։ Մանրամասները՝ տեսանյութում
