Էդմոն Մարուքյանը կլասիկ տրոյական ձի է. Նարեկ Սամսոնյան (տեսանյութ)
Զրույց «Քաղաքացիական գիտակցություն» ՀԿ ղեկավար, քաղաքագետ, եվրոպագետ Նարեկ Սամսոնյանի հետ Նիկոլ Փաշինյանի գլխավորած կառավարության գործունեության շուրջ «Նիկոլ Փաշինյանը կարողացավ Տարոն Մարգարյանի աներձագին հանել Ազգային ժողովից և բերել իր աներձագին, այսինքն՝ «շատ բան է արել»»,- ասում է Նարեկ Սամսոնյանը: Նա հավաստիացնում է, որ Նիկոլ Փաշինյանը կարողացավ մեզ «ցույց տալ», թե ինչպես էին Հայաստանի բոլոր իշխանությունները, ըստ տարածված խոսակցությունների, զանգով կառավարում դատավորներին. «Նիկոլ Փաշինյանը ցույց տվեց՝ դա ոնց է տեղի ունենում: Մենք բառացի լսեցինք, թե ինչպես է ԱԱԾ պետը հրահանգում, որ անպայման պետք է բռնես, կապ չունի՝ ում: Իրականում մարդու, ում նկատմամբ հայ ժողովրդի մեծամասնությունը ունի բացասական վերաբերմունք, բայց մենք չէինք տեսել, ինչպես է Սերժ Սարգսյանի, Ռոբերտ Քոչարյանի, Լևոն Տեր-Պետրոսյանի իշխանությունը հրահանգում. մենք լսել էինք դրա մասին շշուկներով: Նիկոլ Փաշինյանը կարողացավ մեզ դա էլ ապացուցել»: ԲՀԿ-ի և ԼՀԿ-ի մասին Սամսոնյանի համոզմամբ՝ ԲՀԿ-ն ստեղծվել է Ռոբերտ Քոչարյանի կողմից 2005 թվականին որպես հակակշիռ Հանրապետականին: Շարունակելով՝ ասում է. «Միշտ եղել է տվյալ ժամանակվա իշխանության կցորդ: Երբեք որպես ինքնուրույն քաղաքական ուժ ԲՀԿ-ն հանդես չի եկել: Երբ փորձեցին հանդես գալ, «բամփեցին», չէ՞: Հիմա նույնը Նիկոլ Փաշինյանի համար է «Բարգավաճ Հայաստանը»: Սամսոնյանը ԼՀԿ-ին համեմատում է ՕԵԿ-ի հետ. «Հանրապետական կուսակցությունը մինչև 2017 թվականը ուներ ՕԵԿ: Հիմա քանի որ ՕԵԿ-ի վարկանիշը ցածր է (հա՞, ՕԵԿ-ին բոլորս հիշում ենք, չէ՞ ինչպիսի), հիմա «Լուսավոր Հայաստանը» Նիկոլ Փաշինյանի ՕԵԿ-ն է: Այնսինքն՝ Նիկոլ Փաշինյանի «Know-how»-ն նոր ՕԵԿ-ի տեսքով, այսինքն՝ «Լուսավոր ՕԵԿ» է»: «Խորհրդարանական ընդդիմություն «դե յուրե»-ից բացի Հայաստանում գոյություն չունի: Եվ հենց սա է այն վտանգը, որը Նիկոլ Փաշինյանը առանց հասկանալու դրել է ինքն իր կառավարության և ԱԺ-ի ոտքերի տակ»,- վստահեցնում է նա: Արտախորհրդարանական ընդդիմության մասին «Խորհրդարանական ընտրություններին մասնակցած բոլոր ուժերը բացառությամբ ՀՀԿ-ի, չեն կարող լինել ընդդիմադիր»,- այսպիսի կարծիք հայտնեց ՔԳ ղեկավարը: Վերջինիս պնդմամբ՝ ՀՀԿ-ն հասարակության շրջանում ընկալելիության խնդիր ունի և որպես արտախորհրդարանական ընդդիմություն, որը փողոցային պայքարով պետք է որոշ հարցեր լուծի, որպես այդպիսին գոյություն չունի: «Այս 15 տարիների ընթացքում ընդդիմադիր դիսկուրսը եղել է միայն մի ուղղությամբ. ազատվել քոչարյանա-սերժական հանցավոր ավազակապետությունից»,- մանրամասնում է նա: Արտախորհրդարանական ընդդիմություն ձևավորվելու է անկախ ամեն ինչից, բայց հին ուժերի մեջ փնտրելը անիմաստ է: Վերդառնալով ՀՀԿ-ին՝ շեշտեց, որ ՀՀԿ-ն փողոցի աջակցություն չունի, պետք է վերակառուցվի, որպեսզի ստանա հասարակության կողմից որոշակի աջակցություն: Ըստ Սամսոնյանի՝ Ռոբերտ Քոչարյանը ևս արտախորհրդարանական ընդդիմություն ձևավորելու շանսեր ունի, և այդ ռեսուրսը կուտակում է: «Էդմոն Մարուքյանը Նիկոլ Փաշինյանի տրոյական ձին է. կլասիկ ձի է այդ մարդը՝ տրոյական: Այսինքն՝ այդ մարդուն չեն վստահելու»,- վստահեցնում է նա՝ արտախորհրդարանական ընդդիմության հնարավոր ձևավորումն ընդգծելով: Մանրամասները՝ տեսանյութում