Բոլոր նախարարներն արձակուրդից հետ կանչի հրավեր են ստացել. Ա. Միրզոյան (տեսանյութ)
ՀՀ պաշտպանության նախարարի պաշտոնակատար Դավիթ Տոնոյանն այսօր կառավարության նիստում ներկայացրեց պահեստազորի սպայական կազմի պարտադիր զինվորական ծառայության 2018 թվականի զորակոչ հայտարարելու և զորացրում կատարելու որոշման նախագիծը: Նախագծով սահմանվում է՝ 2018 թվականի դեկտեմբեր ամսին Հայաստանի Հանրապետության զինված ուժերի պահեստազորի սպայական կազմում հաշվառված մինչև 35 տարեկան արական սեռի բժիշկ-մասնագետների պարտադիր զինվորական ծառայության զորակոչ ծառայության ժամկետը սահմանել երկու տարի: «Զորակոչը տեղի կունենա դեկտեմբերին եւ զորակոչվելու են մինչև 70 բժիշկ-մասնագետներ»,-ասաց Դավիթ Տոնոյանը: Կառավարության նիստն ավարտվեց։ Առաջին փոխվարչապետ Արարատ Միրզոյանը հիշեցրեց, որ վաղը տեղի կունենա կառավարության արտահերթ նիստ Գյումրիում: «Մենք նախարարներին կառավարության շենքից կտեղափոխենք Գյումրի: Բոլոր նախարարներն արձակուրդից հետ կանչի հրավեր են ստացել»,-ասաց նա: