«Ելք»-ը քաղաքական ուժերից հստակություն է ակնկալում (տեսանյութ)
«Քաղաքական ուժերը պետք է շատ ուղիղ ասեն, որ աջակցում են արտահերթ խորհրդարանական ընտրությունների անցկացմանը»,- այսօր ԱԺ ճեպազրույցների ժամանակ ասաց «Ելք» խմբակցության ղեկավար Լենա Նազարյանը։
«Այդ հավաստիացումները պետք է լինեն շատ հստակ։ ՀՀԿ-ից ենք սպասում կոնկրետ քայլերի, որ նրանք եւ մյուս քաղաքական ուժերը չեն առաջադրի վարչապետի թեկնածու»։
Հոկտեմբերի 2-ի նախագիծը ցույց է տալիս, որ խզումը հանրության եւ պառլամենտի միջեւ այնքան կրիտիկանան է, որ ամեն րոպե կարող է պայթել, ասաց «Ելք» խմբակցության պատգամավոր Հայկ Կոնջորյանը։
Ըստ Լենա Նազարյանի, քաղաքական ուժերը գործում են հին քաղաքական պրակտիկայով։
«Նրանք կուլիսներում մտածել են, որ կարելի է այսպիսի նախագիծ մշակել, բայց մարդիկ արթուն են, եւ այն իրենց դեմ աշխատեց»։
Վարչապետի հրաժարականի օրը Լենա Նազարյանին հայտնի չէ, բայց նա հավելեց՝ ենթադրվում է հոկտեմբերի սկզբին։
