Ապրիլին տեղի ունեցածը նոր հնարավորությունների պատուհան է հայ ժողովրդի համար». ԵՄ դեսպան (տեսանյութ)
Այսօր «ՀՀ արդարադատության ոլորտում բարեփոխումների ռազմավարություն» թեմայով ԵՄ-ՀՀ ռազմավարական քաղաքականության երկխոսության վերաբերյալ աշխատաժողովին ներկան էին Հայաստանի արդարադատության նախարար Արտակ Զեյնալյանը և ԵՄ դեսպան Պյոտր Սվիտալսկին: Արդարադատության նախարար Արտակ Զեյնալյանը ընդգծեց ԵՄ անգնահատելի աջակցությունը Հայաստանում արդարադատության ոլորտին: «ԵՄ եղել է, կա և շարնունակում է մնալ արդադատության ոլորտում գլխավոր գործընկերը: Եմ աջակցում է ժողովրդավարական կառավարման, մարդու իրավունքների պաշտպանությանն ուղղված բարեփոխումներին, կոռուպցիայի դեմ պայքարին»,- ասաց նախարարը: ԵՄ դեսպան Պյոտոր Սվիտալսկին ավելացրեց, որ արդարադատության ոլորտում ամենակարևորը դատարանների անկախությունն է: «Կարևոր է, որ դատավորը ինքը զգա իր անկախությունը, երբ կզգա որ ինքն կկարողանա ազատ ու անկախ դատել: Այդ ներքին ազատությունն ավելի կարևոր է: Ապրիլին Հայաստանում տեղի ունեցածը մենք համարում են նոր պատուհան, նոր հնարավորություն հայ ժողովրդի քայլ դեպի անկախ արդարադատության համակարգ»,- նշեց Պյոտոր Սվիտալսկին: Ավելին՝ տեսանյութում:
