Րաֆֆի Հովհաննիսյանը կատարեց իր քաղաքացիական պարտքը
Քիչ առաջ Երեւանի քաղաքապետի թեկնածու Րաֆֆի Հովհաննիսյանը քվեարկեց N157 դպրոցում տեղակայված ընտրատեղամասում: Նա լրագրողների հետ զրույցում նշեց, որ մեծ ակնկալիքներ ունի ընտրություններից: Նրա խոսքով, ժողովուրդն արդեն հաղթել է եւ ով էլ ընտրվի քաղաքապետ, ժողովրդի հաղթանակն է լինելու: Անդրադառնալով ընտրակաշառք բաժանելու դեպքերին, նա նշեց «Ժառանգություն կուսակցությունը մի քանի անգամ ահազանգել է ցուցակների մասով, որոնք նկատել ենք տարբեր կուսակցությունների մոտ»: Հարցին, թե ո՞ւմ նկատի ունի Րաֆֆի Հովհաննիսյանը, պատասխանեց: «Չեմ ցանկանում բարձրաձայնել, դա իրավապահների խնդիրն է: Միգուցե դա խախտում չէ: Ժառանգություն կուսակցությունը նման ցուցակների « դոստուպ» երբեւէ չի ունեցել, եթե ինչ-որ մեկն ունի եւ դա օրինական է, ապա պետք է ունենան բոլորը»: Րաֆֆի Հովհաննիսյանը նշեց, որ ուրախությամբ կշնորհավորի ընտրվողին:
