«Հազարամյակի մարտահրավերներ» ծրագրում չընդգրկվելը ողբերգություն չէ. ԿԲ նախկին նախագահ (տեսանյութ)
Հայաստանի՝ «Հազարամյակի մարտահրավերներ» ծրագրում չընդգրկվելու փաստը չպետք է մտահոգության առիթ լինի: «Սա միակ ծրագիրը չէ, որ կարող ենք աշխատել: Ողբերգություն մի տեսեք, սրա մեջ ոչ լավը փնտրեք, ոչ վատը»,-ասում է ԿԲ նախկին նախագահ Բագրատ Ասատրյանը: Տնտեսագետը հիշեցնում է՝ Հայաստանն այդ ծրագրից զրկվեց 2018-ի Մարտի 1-ի հայտնի իրադարձություններից հետո: «Սա մեր իշխանությունների գնահատականն էր: Անպես չէ, որ Հայաստանին սիրում են կամ չեն սիրում՝ չսիրելուց չեն տալիս, իսկ սիրելով ծրագիրն իրականացնում են»: Հիշեցնենք, որ Հազարամյակի մարտահրավերներ կորպորացիան մերժել է Հայաստանին ֆինանսավորելու ծրագիրը: Հայաստանին չաջակցելու պատճառն այն է, որ Համաշխարհային բանկի՝ 2018թ. հուլիսի 1-ի զեկույցի համաձայն, Հայաստանը դարձել է բարձր միջին եկամուտ ունեցող երկիր: Տնտեսագետ Ատոմ Մարգարյանը նշում է. «Մեր գնահատականը նույնիսկ թերագնահատված է: Հայաստանը շարունակ չի կարող աղքատի կամ ստացողի, խնդրողի կարգավիճակում լինել: Հայաստանն այսպիսի ինստիտուցիոնալ ռեֆորմների համար բավարար գումարներ ստացել է»: Վերջին ամիսներին թեեւ տնտեսական ակտիվության ցուցանիշները բարձր են, բայց տնտեսագետն այստեղ խնդիրներ է տեսնում: «Գործազրկության մակարդակը շարունակում է անբնական բարձր մակարդակի վրա մնալ՝ մոտ երեք անգամ ավելի բարձր մակարդակի վրա, քան գործազրկության բնական մակարդակն է»: Ըստ ԱՎԾ տվյալների, Հայաստանի տնտեսական ակտիվության ցուցանիշը 2018 թ-ի առաջին կիսամյակում կազմել է 8,9 տոկոս: Իսկ հունիս ամսին հասել 9,6 տոկոսի:
