Հայաստանում ռուս սահմանապահները բռնել են թուրք հետախույզի
Հայաստանում Ռուսաստանի անվտանգության դաշնային ծառայության սահմանապահ վարչության աշխատակիցները ձերբակալել են հայ-թուրքական սահմանը խախտած անձի: Այդ մասին հայտնում է Հայաստանի Հանրապետությունում Ռուսաստանի անվտանգության դաշնային ծառայության սահմանապահ վարչության մամուլի ծառայությունը:
Ռուս սահմանապահները Թուրքիայի քաղաքացուն ձերբակալել են Գյումրու սահմանապահ ջոկատի տեսամասում՝ ինժեներա-տեխնիկական միջոցներն անցնելու փորձի ժամանակ:
Ստուգիչ միջոցառումների անցկացման ընթացքում սահմանախախտի մոտ հայտնաբերվել է բջջային հեռախոս, որտեղ կան պետական սահմանին տեղադրված ինժեներական կառույցների և պատնեշների լուսանկարներ և տեսանյութեր:
Օրենսդրությամբ սահմանված կարգով սահմանախախտը փոխանցվել է Հայաստանի Հանրապետության իրավապահ մարմիններին:
Այժմ իրականացվում են անհրաժեշտ միջոցառումներ դեպքի բոլոր հանգամանքները պարզելու համար:
