Բացել լրահոսը Փակել լրահոսը
A A

Այստեղ ապրելը շատ դժվար է. Այլազգի փախստականները բողոքում են ՄԱԿ-ի դիմաց (տեսանյութ)

Հասարակություն
paxstakan

Հայաստանում ապաստանած փախստականները այսօր բողոքի ակցիա անցկացրեցին ՄԱԿ-ի հայաստանյան գրասենյակի դիմաց:  Նրանք  ապաստանել են  Նոր Նորքի երկրորդ զանգվածում գտնվող հանրակացարանում, որի կենցաղային պայմաններն  ըստ նրանց՝ ծայրահեղ վատն են: Փախստականները հիմնականում Աֆղանստանից, Բանգլադեշից, Իրանից են: Աֆղանստանից եկած Սիդե Խոլա Ալի Զադեն նշում է, որ  կորցրել է իր ընտանիքը այնտեղ և ցանկացել է գնալ Թուրքիա, բայց  սխալմամբ  հայտնվել է Հայաստանում: «Այստեղ ապրելը շատ դժվար է, ապաստարանում տարրական պայմաններ չկան, աշխատանք չկա»,-ասում է նա։ Բողոքող փախստականները նշում են, որ չեն պատրաստվում հեռանալ շենքի մոտից և կգիշերեն ՄԱԿ-ի գրասենյակի դիմաց, քանի դեռ իրենց խնդիրները  լուծում չեն ստանում: Նրանք ցանկանում են գնալ այլ երկիր, իսկ  հայրենիք վերադառնալ չեն կարող, հնարավորություն չունեն: