Այսօր՝ Հայաստան – Մալթա. Կողմերից ում կհաջողվի անցնել մեկ գոլի սահմանը.Live (տեսանյութ)
Ֆուտբոլի Հայաստանի հավաքականն այսօր ընկերական հանդիպում կանցկացնի Մալթայի ազգային թիմի հետ: Խաղը տեղի կունենա ավստրիական Վատենս փոքրիկ քաղաքի «Ժերնո Լանժ» մարզադաշտում, որը տեղավորում է 5000 հանդիսական: Սա երկու երկրների ազգային թիմերի թվով վեցերրորդ հակամարտությունն է: Նախորդ հինգ խաղերում չորս անգամ հաղթանակ են տոնել մեր ֆուտբոլիստները, մեկ անգամ՝ մալթացիները: Ուշագրավն այն է, որ բոլոր այդ հանդիպումներն ավարտվել են միեւնում 1:0 հաշվով: Թիմերի վերջին խաղը կայացել է 2013 թվականի հունիսի 7-ին, Երեւանում, որն ավարտվել է մեր թիմի անակնկալ պարտությամբ: Հայաստան – Մալթա հանդիպումը կմեկնարկի Երեւանի ժամանակով ժամը 21:00-ին: Ինչպես հայտնում է Հայաստանի ֆուտբոլի ֆեդերացիայի մամուլի ծառայությունը, այն կարելի է դիտել միայն համացանցով, ստորեւ.
