Գարեգին Չուգասզյանի հացադուլը շարունակվում է
Ինչպես հայտնի է, հիմնադիր խորհրդարանի նախագահ Գարեգին Չուգասզյանն անժամկետ հացադուլ է հայտարարել: Չուքասզյանի պահանջը քաղբանտարկյալների ազատ արձակումը և անցումային հանձնաժողովների ստեղծումն է, ինչպես նաև մի շարք ապօրինաբար ձերբակալված քաղաքացիների համաներումն ու ազատ արձակումը : Ավելի ուշ նրան էին միացել նաև Սասնա Ծռեր խմբի անդամներ Արայիկ Խանդոյանն ու Աշոտ Պետրոսյանը: Ըստ «Հիմնադիր խորհրդարան»-ի անդամ Սյուզան Սիմոնյանի տվյալների, նրա առողջական վիճակը դեռևս շարունակում է մնալ կայուն. «Չեմ կարոզ ասել, որ վիճակը վատ է, պինդ է մնում, բայց նաև համարձակություն չեմ ունենա ասելու, որ երկար կդիմանա: Իր մոտ երեկ եմ եղել, տվել եմ Սեֆիլյանի ուղերձը, որ դադարեցնի հացադուլը, բայց ապարդյուն: Իր մոտ գալիս են բժիշկներ, մտավորականներ, շատերը հորդորում են դադարեցնել, բայց ապարդյուն: Իսկ պահանջը դարձյալ մեկն է, քաղաքացիների համաներումն ու ազատ արձակումը, բանտախցերում նրանց խոշտանգումներից զերծ պահելը»: Սյուզան Սիմոնյանը կարծում է, որ Չուգասզյանի պահանջը արդարացված է, քանի որ սիրո հեղափոխության հաջորդ քայլը դա կլինի: Հիշեցնենք, որ նա կալանավորվել էր դեռեւս 2015 թվականին՝ ապրիլի 24-ին ընդառաջ զանգվածային անկարգությունների նախապատրաստման համար: Չուգասզյանը 2016 թվականի հուլիսից հետախուզման մեջ էր՝ քրեական գործի շրջանակներում: Նա մեղադրվում է զանգավածային անկարգություններ կազմակերպելու համար: Հուլիսի 17-ին «Սանսա ծռեր» խմբի կողմից ՊՊԾ գունդը գրավելուց հետո Չուգասզյանն անհետացել էր:
