A
A
Հարկ եղած դեպքում կրկին դասադուլ կանեն (տեսանյութ)
Երեքշաբաթյա դադարից հետո ուսանողներն այսօր համալսարան են գնացել։ նրանք զգացմունքները չէին թաքցնում, անկեղծանում էին՝ կարոտել են համալսարանը և ցանկանում են որքան հնարավոր է շուտ նվիրվել դասերին, սակայն վստահեցնում են, որ հարկ եղած դեպքում կրկին դասադուլ կանեն: Երևանի պետական համալսարանը վերջին շաբաթներին առանձնակի ուշադրության էր արժանանում։ Շարժման սկզբում բազմաթիվ ահանզանգեր ստացվեցին, որոնց համաձայն ղեկավարությունը փորձում էր խոչընդոտել ուսանողների քաղաքացիական անհնազանդության գործողություններին մասնակցությանը. «Որոշ դասախոսների կարգադրված է եղել նշանակել բացակաները, բայց դրվի – չդրվի ակնհայտ է, որ էդ օրերին նորմալ դասապրոցես չի եղել»,- նշում է Ինֆորմատիկայի և կիրառական մաթեմաթիկայի ֆակուլտետի դեկանի տեղակալ Էդվարդ Դանոյանը:
